Click on a word to bring up parses, dictionary entries, and frequency statistics
[5]
... quorum in aliis, ut in Antipatro poe+ta, ut in
brumali die natis, ut in simul aegrotantibus fratribus,
ut in urina, ut in unguibus, ut in reliquis eius modi,
naturae contagio valet, quam ego non tollo, vis est
nulla fatalis; in aliis autem fortuita quaedam esse [p. 254]
possunt, ut in illo naufrago, ut in Icadio, ut in Daphita; quaedam etiam Posidonius (pace magistri dixerim) comminisci videtur; sunt quidem absurda. Quid
enim? si Daphitae fatum fuit ex equo cadere atque
ita perire, ex hocne equo, qui cum equus non esset,
nomen habebat alienum? aut Philippus hasne in capulo quadrigulas vitare monebatur? quasi vero capulo
sit occisus. Quid autem magnum aut naufragum illum
sine nomine in rivo esse lapsum? (quamquam huic
quidem hic scribit praedictum in aqua esse pereundum); ne hercule Icadii quidem praedonis video fatum ullum;
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.